Îdîaya ke vanê selahîyetdarê Hamasî derbazê Tirkîya benê, derheqê babete de Washingtonî eşkerayîyêke daye. Vervatoxê Wezîrîya Karanê Teberî ya Amerîka Matthew Millerî ard ziwan ke ê nêzanenê ke nê îdîayî raşt ê yan nîyê la ê do Tirkîya derheqê têkilîyanê ci yê Hamasî de hişyar bikerê.

Millerî îfade kerd ke ganî Hamas Tirkîyaya ke hemkara NATOyî ya de nêmano û vat: ''Ma do bi hawayêkê eşkerayî Tirkîya hişyar bikerê ke hêdî ê nêeşkê sey verî Hamas de têkilîyan bikerê. Dewayê ma yê vera îdarekaranê Hamasî dewam kenê.''

Çapemenîya Îsraîlî îdîa kerdbî ke îdarekarê Hamasî verê xo danê Tirkîya. Anqara cewab da û vat ke na îdîa raşt nîya la îdarekaranê Hamasî Tirkîya zîyaret kena.