Bankaya Averşîyayîşî ya Asya (ADB) bi raporêkî da zanayene ke Asya de 155.2 mîlyon merdimî mîyanê xizanîyêka girane de yê û 68 merdimî wextê prosesê Kovîd-19î û enflasyonê berzî de xizan bîyê.

Hem janê Korona hem zî alozîya jeopolîtîke mîyanê çend serran de rayîrê tedarîkî kêmînayî, pêro dinya de enflasyon berz kerd.

Ekonomînasê Serekeyî yê ADByî Albert Parkî ard ziwan ke welatanê Asya û Pasîfîkî de Kovîd û enflasyonê berzî ra krîzî qewimîyenê.

Enflasyonî tewr zaf tesîrê cinîyan kerd ke cinîyî seba meaşê têdûşt û vera cîyakerîye têkoşîn kenê.

Rapor de dîya zanayene ke hukmatê Asya vera vaybîyayîşî ganî sîstemê pawitişê komelî xurtêr bikerê, paştî bidê zîretî, îmkananê xizmetanê ekonomî bizêdînê û seba newebîyayîşê teknolojîkî teşwîq bikerê.