Bangledaş de rîyê şewatî ra tewr tay 70 tenî merdî
Paytextê Bangledaşî Dakka de yew depoyê madeyê kîmyewî de şewat vejîya. Şewat de 70 tenan gan da, 55 tenî zî birîndar î û birîndaran ra rewşê 10 tenan zî xidar a.
Paytextê Bangledaşî Dakka de şewat vejîya tewr tay 70 tenî merdî.
Goreyê selahîyetdaran şewat rîyê tube ra vejîyayo û lezabez dormeyê depoyî ra biyo vila. Şewat bi madeyê kîmyewîyî hînî bîyo gur û kontrol ra vejîyayo.
Reyna 2010 de yew depoyê madeyê kîmyewîyî de şewat vejîya bi û 120 tenî tede merde bî. Nê şewatî ra dima hetê selahîyetdaran ra vera ambarkerdişê madeyê kîmyewîyî kampanyayêk dest bi kerdebî. La serran peynîyan de neyî vera vindertiş xeylê kêm bibi.
