Bajaranê Baskî Bîlbao û Bayonne de hezaran kesî vejîyayî meydanan û seba azadîya endamanê ETAyê girewteyan azadîye waşte.

Welatê Baskî de her di parçeyê ke binê bandora Îspanya û Fransa de yê de rayîrşîyayîşê cîya cîyayî ameyî organîzekerdene û bi hezaran kesî beşdarê nê aktîvîteyan bîyî.

 76000 kesî beşdarê rayîrşîyayîşê Bîlbaoyî bîyî. Bayonne de zî 9 hezarî kesî beşdar bîyî.

Îspanya û Fransa de 265 girewteyê ETA estê û rayîrşîyayîşan de seba pêroyê girewteyan ef amî talebkerdene.

Girewteyê ETA tewr zêde Îspanya de estê û hukimatê Îspanya îzahatê xo de va girewteyî do neqlê nezdîyê keyeyanê xo bibê.

265 girewteyanê ETA ra 46ê xo hepisxaneyanê Fransa, 1ê xo Portekîz de û ê yê bînî zî hepisxaneyanê Îspanya de yenê girewtene.