Iraqî de ke seba tedeberdişê rejîmî çalakîyê şermezarkerdişî ênê kerdene, artêşe bîşewe ra heta serê şodirî Bexdad de tevervejîyayîş qedexe kerdîbî. 

Meydanê Tehrîrî yê Bexdadî de pancşemeyî ra bîyo çalakî estê. Qedexeyê tebervejîyayîşî zî nêeşka çalakîkeran bivindarno. Roja dişemeyî de bi hezaran wendekarî tewrê çalakîyanê protestoyî bî. Çalakîyê wendekaran Bexdad de û şaristananê başûrê Iraqî de amey kerdene. 

Sendîkayanê mamosteyan, avukatan û doktoranê didanan çalakîya roniştişî û grevê bêpeynî beyan kerdî. 

Nêmeyê şewe vera qedexeyî vengê kornayan û muzîkî haporloyan ra tim bî berz. 

Çalakîkerek AFP'yî ra vat: “Qedeyê tebervejîyayîşî çîyek nêvurna. Hukumatî nêwaştêne ke ma vejîme teber la qet winî nêbî. Ma bibirredarî vejîyayme meydanan. “

Kerbela de zî nêmeyê şewe şereko girozin qewemîya.  Hêzanê emnîyetî nêzdîyê meclîsê şaristanî de fîşekê raştikênî nay pa. Tewr kêmî çalakîkerek ame kîştene. 

Gore bîlançoyê resmî 1ê teşrîna verêne ra bîyo tewr tay 240 kesî nê çalakîyan de merdê.