Serekê Partîya Çepgîre ya Ewropa (European Left Party EL) Heinz Bierbaumî waşt ke qedexeyê vera PKKyî bêro wedaritene û PKK mîyanê 'lîsteya terorî' ra bêro vetene.

Bierbaumî îfade kerd ke qedexeyê vera PKKyî verê haştîya Tirkîya û Kurdîstanî de astengîyêka pîl a û ard ziwan ke PKKyî têkoşînê vera DAÎŞî de erjê merdimîye pawitî.

Bierbaumî vat: ''Eke qedexeyê vera PKK bêro wedaritene û PKK mîyanê lîsteya terorî ra bêro vetene no do seba çareserîya haştîye ya herême bibo gamêka raştikêne. Têkoşînê PKKyî yê vera DAÎŞî û xelisnayîşê bi se hezaran kesan seba şinasnayîşê têgêrayîşê azadîya kurdan ganî nîşane bo. Qedexeyê vera PKKyî kurdê Tirkîya, Kurdîstan û Ewropa cuye ra pakeno.

Qedexeyê vera PKKyî beno sebeb ke kurdê Yewîya Ewropa raştê teda, kontrolê asayîşî bibê. Bi des hezaran merdimê kurdî sey merdimanê bînan wayîrê heqanê çalakîye, kombîyayîş û çapemenîye yê. No qedexe verê entegrasyonê kurdan de astengîyêk a. Hemkarîya leşkerî ya Ewropa ya bi Tirkîya ez şermezar kena û wazena ke dewletê Ewropa wa hînî çekan meerşawê Tirkîya.''