Servîsanê Pawitişê Sivîlî da zanayene ke rîyê felaketî ra 276 kesî vîndî bîyê. Ame vatene, hûmara qûrbananê ke heta nika nasnameyê înan ameyo eşkerakerdene 48 a.

Awbendê eşteyanê madenî yê şîrketê Vale yê Corrego do Feîjao yê eyaletê Mînas Geraîsî roja Îneyî raşîyabi û bi mîlyonan tonî herrî dormeyê madenî de vila bîbî.

Edaletê Brezîlya seba halkerdişê ziraro ke rîyê felaketî ra vejîya meydan, dest da serê 2.33 mîlyar euroyê şîrketî.

Felaketêko bîn o bi heman hawayî serra 2015’an de tesîsêkê bînî yê şîrketê Samarco Mîneracaoyî yê pabesteyê koma Vale û BHP’yî de virazîyabi. Felaket herêmêka 100 kîlometreyî ya rojakewtena Brûmadînhoyî de virazîyabi.