Komîteya Doktoranê Sûdanî da zanayene ke herişê vera çalakîya roniştişî de tewr kêmî 60 kesî merdî.

Bi talîmatê Konseya Eskerî ya ke îdare fînaye dest, roja Dişeme kesê ke vernîya qerargahê eskerî de ameyî pêser, înan rê hêriş amebi destpêkerdene. Yewîya Ewropa, DYE û Brîtanyaya Girde û xeylî welatanê binan  no hêriş şermezar kerdibi. Vilawêka ke hetê Konseya Asayîşî yê NY’yî ra semedê şermezarkeridşê qetilkerdişê sivîlan ameye amadekerdene hetê Rûsya û Çînî ra ameye blokekerdene. Vilaweke de ame waştene ke wa şidet bêro vindetene û agêrîyo muzakereyan. Komîteya Doktoran komkiştiş ra Konseya Eskerî berpirsîyar tepişte. Goreyê têgêrayîşê şarî bitaybetî mîlîsê Hêzanê Paştdayîşê Lezkanî tewrê hêrişî bîyî.