DAÎŞî Kabîl de qetlîam kerd: 22 kesî merdî

DAÎŞî paytextê Afganîstanî Kabîl de hêrişê zanîngehî kerd. Hêriş de 22 kesî merdî.

Paytextê Afganîstanî Kabîl de kesêkî zanîngeh de serê xo de bomba teqnaye û dima zî 2 sekbana wendekarî kerdî hedef. Zanîngeh de mebênê hêzanê asayîşî û hêrişkeran de şer qewimîya. 

Wezaretê Karanê Zereyî pare kerd ke zere de 3 hêrişkerî estbî. Înan ra yew serê xo de bomba teqnaye û ê wirdê bînî zî hetê asayîşî ra kişîyayî. 

Cerganê DAÎŞî hêriş girewt xo ser. Netîceya hêrişî de tewr tay 22 kesî merdî û 22 kesî zî birîndar bîyî.

Serekkomar Eşref Ganîyî ard ziwan ke ê do qesasê wendekaran bigêrê.

Hewteyê vîyarteyî û serra 2018î de cerganê DAÎŞî reyna wendekarî kerdbî hede. Wird hêrişan de bi temamî 36 kesî merdbî.