Delhîya Newîye de kargehêk vêşa zaf kesî merdî. Goreyê xeberanê çapemenîya herême wexto ke adir kewt kargeh, karkerî rakewtêne û karkerî mîyanê şewatî de mendî.

Şewat de tewr tay 43 kesî merdî. Nêame eşkerakerdene ke şewat semedê çita ra ame meydan. Ama vatene ke şewat serê sibayî bînayêka 6 qatêne de vejîya ke tede çanteyî ameyêne viraştene. Ekîbanê îtfaîya qasê 5 kesî xelisnayî. Ame vatene ke zafînê îna dû ra jehrî kewtî. Ters no yo ke hîna zêdêr kesî do bimirî. Hîndîstanî de şewatî seba ke qaîdeyê asayîşê karî nênê caardene zêde yenê meydan.