Rêxistina Efû ya Mîyanneteweyî eşkera kerd ke roja pancşemeyî dengizê Morîtanya de keştîyêke awe de cum bîye, 58 meltecîyan wefat kerd.

Rêxistina Efû eşkerayîyêka nuştekîye kerde û vat ke 83 kesan bi asnawekerdişî xo resna qeraxê dengizî la 58 multecîyî xeniqîyayî. Ame parekerdene ke keştîye 27ê teşrîna peyêne de Gambi ra kewte rayîr.

Kesê ke xelisîyayî da zanayene ke nêzdîyê qeraxî de sotemenîya keştîye qedîyaye. Wezîfedara Rêxistina Efû  ya Morîtanya Laura Lungarotti îfade kerd ke: "Ma do reya verêne kesê ke xelisîyayî reyde eleqadar bibê û hetkarîya înan bikê.

Goreyê Rêxistina Efû ya Neteweyanê Yewbîyayeyan mabênê serranê 2014î û 2018î de 35 multecîyê Gambîayijî şîyî Ewropa.