Dêra Dame Notre ya şaristanê Nice yê Fransa de saetanê serê sibayî de hêrişo bikardî qewimîya. Hêriş de 2yê înan cinîyî 3 kesî merdî û xeylêk kesî birîndar bîyî.

Herêma hêrişî gerîyaye binê kontrolê asayîşî û ekîbê pakkerdişê bombayan û hêzê taybetî sewqê herême bîyî. Hêrişkaro ke hetê polîsan ra ame destbendkerdene seba ke birîndar o ame berdene nêweşxane.

Hemşaredarê Nice hesabê xo yê medyaya sosyale ra da pêhesnayene ke keso ke ameyo destbendkerdene xeylêk rey qîrayo vato ''Allah û Ekber'' Dozgerîye da zanayene ke înan derheqê hêrişî de cipersayîşêko pabesteyê ''rêxistinanê terorîstan'' dayo destpêkerdene.