Welatê G20yê ke welatê tewr zengînî yê dinya endamê ci yê, konferansê xo de pêkerd ke deynê welatan ê xizananê ke binê tesîrê krîzê ekonomî yê pandemî de yê, taloq bikerê.

Sereka Demkî ya G20î Wezîrê Ekonomî yê Îtalya Daniele Franco eşkerayîyêke daye û da zanayene ke înan bire daye ke deynê welatan ê xizanan heta peynîya serra 2021î taloq bikerê. Bankaya Dinya zî pare kerd ke bira G20î musbet a. Serekê Bankaya Dinya David Malpassî eşkerayîye daye û îfade kerd ke welatanê G20î waşt ke şertê peymane yê taloqkerdişî wa bi hawayêkê zelalî biweşanîyê.

Çarçewa bira taloqkerdişê deynan a pare ya G20î de 73 welatan pêro şertî ardî ca û nînan ra muracatê 46 welatan ame qebulkerdene. Qasê 5.7 mîlyar deynê nê welatan ame taloqkerdene.

Labelê xeylêk dezgehê hetkarîya merdiman wazenê ke herinda taloqkerdişê deynî de deyn bi temamî bêro estaritene.