Dîlokî de vera HDPyî sereştiş û destbendkerdişî
Dîlokî de polîsan eşt rêxistinanê HDPyî yê şaristan û qezayan ser o û zaf kesî destben kerdî.
Dîlokîde taxanê Vatan, Beybahçe, Karşiyaka û Hacibaba yê qezayanê Şahînbey û Şehîtkamîlî de operasyonê qirkerdişê sîyasetî ameyî kerdene.
Operasyonî de Hemserekê HDPyî yê Dîlokî Muslum Kiliç, Hemserekê Şahînbeyî Mehmet Ozkan, îdarekarê HDPyî Hatîce Kuçuker û Mustafa Tunç zî tede tewr tay 52 kesî ameyî destbendkerdene.
Sereştişanê keyeyan ra dima polîsan eşt bînayanê HDPyî yê Şahînbeyî û Şehîtkamîlî ser zî. Bînayan de cigêrayîş ame kerdene û xeylî dokumentî ameyî destsernayene.
