Yew wezîfedarê Amerîkayî ke nameyê ci nêameyo dayene vano DYA, Tirkîya de derheqê tehdîdê operasyonî yê Tirkîya yê Bakurê Surîya de pêvînayîşî nêkerdê.

 Wezîfedarê DYA’yî  wina va: “ DYA seba ke qisawetê Tirkîya werta ra wedaro operasyonî hewce nêvînena.”

Tirkîya Surîye de, bi kerdenanê xo yê ewroyî sey îşxalker yena dîyayene. Cerablus ra heta Efrînî, sînor de xeta îşxalî naya ro û bi destê çeteyanê DAÎŞ û El Nusrayî sûcanê şerî kena. Xeylî raporê mîyanneteweyîyî zî bale ancenê  talan, îşkence, înfaz û vurnayîşê demgrafîkî ser.

Reyna zî dewleta Tirkî gefan wanena û kena ke “yew herêma ewlehîye” ya ke kontrole ci de ya awan bikero. La no taleb heta nika hetê dewletanê mîyanneteweyîyan ra ameyo redkerdene.

Wezîfedarê DYA’yî va “Mekanizmaya ewlehîye bi detayan yena destgirewtene û no derheq de pêvînayîşî yenê kerdene. La DYA nêwazena ke Tirkîya bi yew operasyon şoro bakurê Surîye ser.”