Artêşa Amerîka, dîmenêk pare kerd. Dîmen de, yeno îdîakerdene ke dewrîyeya ke girêdayîya Muhafizanê Şorişî yê Îranî ya, keştîyêk ra mayînê Lîmpetî weqilaynenê. Mayînê Lîmpetî yê ke tewirê mayînanê deryayî yê, zafane hetê awbazan ra yenê bicakerdene.

Dîmen de yeno îdîakerdene ke hêzê Îranî, mayînêko nêtaqaye keştîye ra weqilaynenê û benê. Fermandarîya Merkezî ya Artêşa Amerîka, fotografêkê mayînî yo ke hîna keştîye ra nêameyo weqilaynayene pare kerd. Amerîka bi nê hawayî wazena rayapêroyî ya mîyanneteweyî qan bikero ke Îran berpirsîyarê hêrişanê vera keştîyanê Neqebê Hurmuzî yo. Rayberîya Îranî, sacdarîyê DYE red kerdî.