Fransa de dimayê kombîyayîşê Konseya Asayîşî yê şanê Yewşemeyî îşxalkarîya Tirkî 'pê vatişêko tewr pît' ame şermezarkerdene û ame vatene, seba sivîlan û leşkeranê Fransa yê wareyî do tedbîrê asayîşî bêrê girewtene.
Qesra Elysee dimayê kombîyayîşî eşkerayîyêke daye û parbe kerd ke, 'çend seatê verê ma' Vakur û Rojakewtena Sûrîye de seba qetîkerdişê asayîşî yê personelanê leşkerî yê Fransa û sivîlan do tedbîran bigêrê.
Dimayê qerarê DYA'yo ke parbe kerdibi ke do leşkeranê xo Vakurê Sûrîye ra peyser biancê, no qerar ame girewtene. Herême de bi seyan leşkerê hêzanê taybetan ê Fransayijan estê. Ware de xebatê hetkarîya merdimîye yê Fransa zî estê. Elysee da zanayene ke ê hêrişanê Tirkî "bi hewayêkê pîtî" şermezar kenê û seba ke nê hêrişan vindernê xebatanê diplomatîkan rê dewam kenê.
Eşkerayîya nuştekîye de ame vatene: "Ganî ma hîna zêde goş bidê ke ma nêverdê reyna DAÎŞ bikewo meydanan. Rîyê operasyonê Tirkîya ra rîsko ke terorîstê DAÎŞ'î biremê nêame hesabkerdene. Seba ke asayîşê erdo neteweyî bêro xurtkerdene tedbîrî ameyî girewtene."
