Goreyê eşkerayîya Wezîrîya Pawitişî ya Kolonbîya Rodîgo Cadete yo ke 40 serrê xo mîyanê têkoşînê gerîlayî de derbaz kerdê, operasyono ke hetê hêzê taybetî û polîsan ra herêma Caqueta ya ke başûrî de ameyo kerdene ameyo kiştene.

Wezîrê Pawitişî Guillermo Botero ard ziwan ke 9 gerîlayî zî ameyî kiştene û çend hebî zî birîndar ameyî tepîştene û herême de şer hîna dewam keno. Bi 200 endamanê hêzê taybetî warê çolî de operasyon yeno domnayene.

Rodrigo Cadete pêvînayîş û muzakerê yê ke serranê 2012’ê ra heta 2016’î Kuba de ameyî viraştene,  tede ca girewtibi. Ame vatene ke Cadete, grûba bingeyine ya ke FARC’yî ra visîyaya de sey kesêko diyîn ameyêne qebulkerdene û 2017’î de tewrê grûba ke FARC’yî ra visîyaya bi.

Çarçiwaya pêkerdişê aşitîye de 7 hezar gerîlayanê FARC’î tifîngî nayî ro. La 1.700 gerîlayan pêkerdiş red kerd û  serewedartişî rê dewam kenê.