Wezîrê Karanê Zereyî Geral Darmaninî pare kerd ke serê sibayî vera kesanê ke nêzdîyê têgêrayîşanê îslamîstan operasyonî ameyî kerdene û operasyonî hema zî dewam kenê.

Bira operasyonan Heyetê Pawitişî ra ameye girewtene. Darmaninî radyoyê Europe 1 rê qisey kerd û da zanayene ke ê do firsend nêdê dişmenê komare. Darmaninî ard ziwan ke kişîyayîşê Patyî ra dima derheqê 80 kesan de tehqîqatêk dîya destpêkerdene û xeylêk kesî ameyî destbendkerdene.

Darmaninî eşkera kerd ke hêzanê asayîşî eşt xeylêk komeleyanê sey Kolektîfê vera Îslamîfobî yê Fransa (CCIF) û Baraka Cityî.

Mamostayê tarîxî Samuel Patyî roja îneyî hetê çeçenêkê 18 serreyî ra ame kiştene. CCIGî derheqê Patyî de fetwa dabi. Roja yewşemenî bi hezaran kesî seba Patyî vejîyabî meydanan.