Goreyê zanayîşanê bultenî yê Ajansê Weşîya Pêroyî yê Fransa (SpFrance)  rîyê janê diştere ya ke hîna zî dewam kena, mabênê 1-21’ê Çele de tewr kêm 1.100 kesî merdî. Goreyê bultenî, di hewteyanê peyênan de zî bi des hezaran kesî rîyê  diştere ra ameyî berdene bi servîsanê lezabezan ê nêweşxaneyan.

Bultenî de ame bewlîkerdene ke, janê diştere yê bi vîrûsanê A (H1N1) û A (H3N2), bi garanî tesîrê merdimanê ke 75 serrî ra pîl ê û domananê ke 5 serrî ra qij ê kenê.

Babeta muhîm a ke bultenê ajansî nîşanê ci dayo na ya: terpinê diştere yo ke emser yeno xebitenayene, seba vergirewtişê vîrûsê A (H1N1)î teyna se ra 59 o. Tesîrê terpinê diştere vera vîrûsê diştere yê A (H3N2)î de teyna se 19 o.

Almanyaya ke girdêra welatanê Ewropa ya de zî, ame musayene ke rîyê  diştera bi tewirê Înflûenzayî ra nê hewteyanê peyênan de bi des hezaran kesî merdî.