Adirbirnayîş gore wextê herême saete 05:30î de dest pêkerd. Selahîyetdarêkê payeberz ê Misirî AFPyî reyde qisey kerd û îfade kerd ke adirbirnayîş netîceyê xîretanê Misirî de ame kerdene û Îslamî Cîhadî zî tede komanê Fîlîstînî adirbirnayîş tesdîq kerd.

Gore selahîyetdarî çarçewa adirbirnayîşî de komê Fîlîstînî Gazze do bikê aram û bikê ke çalakîyê şermezarkerdişî bi hawayêkê 'haştîyane' bêrê kerdene. Îsraîl zî do dişmenîye biqedîno û çalakîyanê fîlîstînijan de gore adirbirnayîşî tevbigêro.

Îslamî Cîhadî ra çimeyêkî AFPyî reyde qisey kerd û xebera peymane qetî kerde. Çimeyêkê leşkerî yê Îsraîlî zî pare kerd ke wextê hêrişanê bi roketan qedîya û ê do vera Gazze operasyonê xo  biqedînê.