Verba tesîsanê petrolî yê şîrketê petrolî yê Siûdî Aramco roja Şemeyî bi di droneyan hêrişêk amebi kerdene. Rîyê hêrişî ra şewat vejîyabi û berardişê petrolî asteng bibi.

Milîsê Hûsî yê Yemenî berpirsîyarîya hêrişî girewte ser milê xo. Labelê Wezîrê Karanê Teberî DYA Mike Pompeo îdîa kerd ke delîlêk çin o ke hêriş hetê Yemene ra ameyo kerdene. Pompeo va: "Rewşa kêmîtîya petrolî de, Îran verba tedarîkkerdişê enerjîye yê planetî dest pê hêrişî kerd."

Qiseykerdoxê Wezaretê Karanê Teberî yê îranî Abbas Mûsavî zî îfade kerd ke, sucdarîya ke bi hewayêkê bêçime nêyena famkerdene. Goreyê Mûsavî DYA seba ke Îran bike sûcdarê beyananê winasîyan dana.

Serekê DYA Donald Trumpî pê telefonî prenso welîaht ê Seûdî Mûhammed Bîn Salman reyde qisey kerd û hêriş şermezar kerd.

Hûsîyan naye ra verî zî berpirsîyartîya zafê hêrişan verba merkezanê stratejîkan ê Erebîstanê Seûdî girewte ser milê xo, labelê DYA û Erebîstanê Seûdî  Îranî berpirsîyarê hêrişan mojnaybi.