Serekê DYE Donald Trumpî baxçeyê Qesra Sipî de qisey kerd û va, " Ez eşkena vajî ke Îran wazeno ma reyde pêvînayîş bike."

Nê beyanî spekulasyonî kerdî xurtêr ke vanê, "Trump û Rûhanî do peynîya menge de kombîyayîşê Heyetê Pêroyî yê Neteweyê Yewbîyayî de kom bibê."

Trumpî derheqê na babete de çîyêko eşkera nêvate. Trumpî va: " Goreyê mi Îran wayîrê potansîyelêko pîl o.Ez umîd  kena ke ma do bieşkê yewbînan bivînî. Goreyê mi ê zî wazenî wina bikî." Derheqê babeta pêvînayîşê muhtemele de Trumpî Kombîyayîşo Pêroyî yê Neteweyê Yewbîyayî yê New York de va, "Her çi mumkûn o."