Gazze de 30’ê Adare 2016’î ra nat her roja îne , sînorê Îsraîlî de, çalakîyê protestoyî yê bi nameyê “Rayraşîyayîşê peyser agêrayîşî yo pîl” yenê kerdene. Filîstînijî, bi nê çalakîyan ablukaya Îsraîlî protesto kenê. Serra 1948’î de bi awanbîyayîşê Îsraîlî, Filîstînijî bîyî multecî û nê çalakîyî zî seba ke multecîyî peyser agêrê erde xo ser yenê kerdene.

UNÎCEF’î  yew beyanato nuştekî weşêna û goreyê nê beyanatî 12 menganê peyênan de, çalaki û protestoyan de nêzdîyê 40 domanî ameyê kiştene. Reyna qaso ke beyanatî de ca gêno nêzdîyê 3 hezar kes zî bîyo birîndar û zêderîyê nînan bîyê astengdar.

30’ê Adare 2018’î ra nat Îsraîl bi hêrişanê hewayîyan hêrişê çalaki û protestoyanê Filîstînijan keno û nê hêrişan ver, heta ewro 258 fîilîstînijî merdî. O tarîx ra nat 2 zî leşkere Îsraîlî ameyê kiştene. Îsraîl her dolime vano ez erd û sînoranê xo pawitene ra wet çiyêk nêkeno.

UNÎCEF’î vera mergê domanan reaksiyon da û waşt ke pêro hetî weşîya domanan bipawê.