Hemvervatoxê Komîsyonê Têkilîyê Karê Teberî yê HDP’yî Hîşyar Ozsoyî û Feleknas Ûca derheqê rewşa Sûdanî de eşkerayîya nuştekîye daye.

Eşkerayîye de ama vetene; “19’ê Adare de rîyê problemanê ekonomî ra vera serdestîya 30 serra a Omer El-Beşîrî de sere de cinî û ciwanê şarê Sûdanî vejîyayî wareyan û reya bîne reyna hemverê derbeya eskerî de yê. Derbeya eskerîye ma şermezar kenê. Seke Misir û Lîbya de zî bi, rîskê diznayîşê şoriş û bedilîyayîşî yê şarê Sûdanî rojdem de yo.

Ma HDP’ijî cuya azade û teduştî ya şaran û rayberîyêk sîvîle û meşrûye pawenê. Ma vengdayîş bi Konseya Eskerî ya ke Sûdan de derbeye kerda kenê ke cade rayberîye dewrê rayberîya sîvîl a demdemî, merşrû û zafrengîne bikerê.”