Hêrişê DAÎŞî de 11 leşkerê Iraqî merdî
DAÎŞî reyna hêrişê qezaya Al Azîmî ya şaristanê Dîyala ya Iraqî kerd. Hêrişê DAÎŞî de 11 kesî merdî.
Cerganê DAÎŞî şewe qezaya Al Azîmî ya şaristanê Dîyala ya Iraqî de hêrişê 4 baregehanê Iraqî kerd.
Serê sibayî zî tay cerganê DAÎŞî mabênê dewanê El Tala û Um El Keramî yê Dîyala de hêrişê baregehan kerd. Goreyê agahîyanê verênan hêriş de 11 leşkerê Iraqî merdî ke mîyanê înan de fermandarêko payeberz zî esto.
