Iraq de 12’ê Gulan a 2018’î de weçînitişê pêroyîyî ameybî kerdene û dimayê panc mengan ra hetê Alî Abdulmehdîyî ra menga Teşrîna Verêne de netîceyê pêkerdişê bêçareyî yê hetan û lîsteyan ra hukmat amebi awankerdene. Teberê lîsteya Sarîûn a bi rayberîya Muqteda el Sadrî de heme lîsteyê bînî tewrê hukmatî bîyî.

 Labelê hukmatê Abdulmehdîyî yo ke hewna serrêk xo nêkerda de derezîya. Lîsteya Hîkme Neteweyî ya bi serkêşîya Amr Hekîmî pêhesna ke xo hukmat ra anto û bîyo muxalefet. Eşkerayîya nûştekîye de ame pêhesnayene ke kombîyayîşê îstîsnayî yê ofîsanê sîyasîyan de xizmetê cimatkîyî û qesawetê pêroyîyî yê şarê Iraqî ameyê ercnayene. Lîsteya Hîkme pêhesna ê tercîhê muxalfetê sîyasîyî tesdîq kenê û dereceya neteweyî de do role xo na çarçewaye de bi ca bîyarê. Grûba bi serkêşîya Amr el Hekîmî, rayberê Şîa Muqteda el Sadrî dir têgêrena.