Goreyê Rêxistina Koçî ya Mîyanneteweyîye (IOM) hûmara koçberanê ke serê rayîrê Ewropa de dengiz de xeniqîyayî serrêke de di qatî zêdîyaye. Goreyê doneyanê IOMî destpêkê serra 2021î de tewr tay 1146 kesî dengiz de xeniqîyayî. Serra 2020î de 513, serra 2019î de 647 kesî zî xeniqîyabîyî.

Raporê IOMî de ame vatene ke ''Rêxistinê cigêrayîş û xelisnayîşî raştê xeylêk astengîyan yenê. Xeylêk keştîyê înan destsernayîşî û cezakerdişê personelan ra qeraxanê Ewropa de mendî.''

Sekreterê IOMyî Antonio Vitorînoyî vat:'' IOM reyna venga dewletan dano ke seba kêmkerdişê dengiz de mergî mesuldarîyanê xo bîyarê ca û bi hawayêkê aktîfî tedbîran bigêrê.''
Mîyanê 6 mengan de Dengizê Sipî de 896 kesî xeniqîyayî ke no done doneyê parinî ra se ra 130 zêde yo. Dengizê Sipî yê Mîyanênî de 741 kesî, Rojhelatê Dengizê Sipî de 149 kesî xeniqîyayî. Tirkîya ra 6 kesê ke ver bi Yunanîstan kewtbîyî rayîr merdî.