Bexda de roja Sêşemeyî hezarî ra zêdêr çalakgerî kom bîyî û xizmetê pêroyî û kar waşt. Hêzanê çekdaran ê dewlete verba çalakgeran guleyê rastikênî şuxulnayî.

Merkezê şaristanî de bi saetan vengê çekan ameyî. Meydanê Tehrîro ke adresê sembol ê çalakîyan de dûyê sîyayî berz bîyî. Başûrê Iraqî de şaristananê Zî Kar û Necefî de zî çalakîyê protestoyî bîyî û polîsanê dewlete hêriş kerd serê şarî. Goreyê Mudirê Weşîye yê Zî Karî El Ceberî şaristanê Nasirîye de  çalakgerêk merd, yewê înan giran di çalakgerî birîndar bîyî.  Goreyê xebaranê çimeyanê cayîyan hêrişan de guleyê rastikenê ameyî şuxulnayene û 2 çalakgerî ameyî kiştene. Caberî îddîa kerd ke 25 polîsî zî birîndar bîyî.Çalakgerê bi sloganê "dizdan ma talan kerdî" verba îdareyê Iraqî reaksîyon da. Wezaretê Weşîye da zanayene  ke di protestoyanê Bexda de 160 sivîlî , 40 hêzê çekdar ê dewlete bi temamî 200 kesî birîndar bîyî.