Mahkemeya Berze da zanayene, 514 endamê çeteyan yê beyaxkî sere 2018’î ra nata ameyî mehkûmkerdene. Hîna wekenitişê dosyaya 202 kesan dewam keno, dewaya 44 kesan dewam kena. Eşkerayîye de ame vatene, 11 kesî ameyê verdayene.

Mahkeme nêvat çeteyê ke endamê rêxisitine welatijê  kamcîn welatan ê û da zanayene ke cipersayîş ci mabênê 6 mengan de do biqedîyayo.

Destpêkê 2014’î ra nata sere de Musûl beşêkê muhîm ê erdê Iraqî kewtibi destê çeteyanê DAÎŞ'î, Iraqî 2017 de serkewtişê xo îlan kerdibi.

Mahkemeya Iraqî ê wextî ra nata bi hezaran endamê DAÎŞ'î yê cinî û camêrdî muhakeme kerdî, xeylî kesî zî ameyî dardekerdene yan zî cezaya mergî ci rê ameye birnayene.

Goreyê Rêxistina Efû ya Mîyanneteweyî teyna 2018 de Mahkemeya Iraqî derheqê 217 kesî de cezaya dardekerdişî daye. Goreyê 2017’î na hûmara 4 qatî zêdetir bîye.

Iraq dinya de mîyanê panc welatan ra yew o ke cezaya dardekerdişî tewr zêde yena dayene.  Labelê 2018 de 52 kesî ameyî dardekerdene, 2017 de zî 125 kesî.