Iraq de hêrişê DAÎŞî de 2 leşkerê payberzî ameyî kiştene

Cerganê DAÎŞî eyaletê Enbarî de hêrişê artêşa Iraqî kerd. Hêriş de 2 leşkerê payeberzî merdî, 2 leşkerî zî birîndar bîyî.

Hêrişê cerganê DAÎŞî yê vera Mûsil, Kerkûk, Xaneqîn, Dîyala, Enbar, Til Arefî zêdîyayî.

Şewa sêşemeyî DAÎŞî herişê eyaletê Enbarî kerd. Goreyê eşkerayîya Fermandarîya Operasyonê Hemparî ya Wezaretê Pawitişê Iraqî Fermandarê Tugayê 29. Tuggeneral Ehmed El-Lamî û payeberzêko bîn merdî, 2 leşkerî zî birîndar bîyî.