Paytextê Iraqî yê Bexda de çalakîyanê ke serê Teşrîna Verêne de dest pêkerdibi û bi seyan kesî merd û birîndar bibî, vizêr serê sibayî reyna dest pêkerd.

Çalakîyî wextêko kilmî de şaristananê  Necef, Kerbala, Mussena, Mîsan, Nasiriye, Zîkakrî de vila bîyî. Cayanê çalakîyan de polîsan verba çalakgeran çekî xebitnayî. Goreyê Komîsyonê Heqanê Merdiman a Iraqî Bexda de qezayanê bînan de 30 kesî  ameyî kiştene, 2 hezar ra zêdêr kesî zî birîndar bîyî. Eşkerayîye de ame vatene Bexda, Mîsan, Zîkar, Bsra û Musenîna zî tede zafê şaristanan de çalakîyê pîtî estî, wexto ke dewlete hêriş kerd serê çalakgeran merdimî merdî.