Paytexta Iraqî Bexdad de û şaristananê başûrê Iraqî de ke roniştoxê xo şîayê ereb ê de  çalakîyî dewam kenê. Hêzanê polîsî û emnîyetî vera çalakîyan çekan xebetnenê. 

Yew Hefteyî de 23 Kesî Kîşîyayî

Komîserîya berze ya Heqanê Merdiman a Xosere ya Iraqî derheqê babete de beyanatêk weşana û dîyar kerd ke mîyanê 3 û 7ê teşrîna peyêne de Bexdad, Kerbela, Basra û Zikarî de çalakîyan de 23 kesî kîşîyayê û hezar 77 kesî birîndar bîyê. Beyanatî de ame vatene ke rojanê peyênan de 201 kesî ameyê girewtene û dima înan ra 170 kesî ameyê veradayene. Mîsyonê Iraqî yê Neteweyanê Yewbîyayeyan sêşeme de beyanatêk weşana û dîyar kerd ke 1ê teşrîna verêne ra bîyo çalakîyan de 254 kesî cuya xo vîndî kerda û bi hezaran kesî zî bîyê birîndar. Gore çimeyanê neresmîyan polîsan û endamaê emnîyetî çekî xebetnayî û naye ra serkewte 400 kesan cuya xo vîndî kerda û tewr kêmî 8 hezar kesî bîyê birîndar.