Iraq de 1ê teşrîna verêne de şaristananê Necef, Kerbela, Basra, Zikkar, Mûssena, Mîssan, Diwanîye û Nasirîye de vera hukmatî nawnayîşan dest pêkerdibi.

Yeno pawitene ke roja çarşemeyî Meydanê Tahrîrî yê Bexdadî de nawnayîşêko pîl bêro kerdene. Serê sibayî ra komî ameyî pêser. Seba ke bi mîlyonan kesî bivejîyê meydanan vengdayîş ame kerdene. Bexdad de tebdîrê leşkerî ameyî zêdekerdene.Tahrîr de sere de zaf meydanan zaf cayî destê çalakîkeran de yê. Çalakîkeran zaf rey waşt ke dekewê Herêma Keske ya ke bînayê hukmatî û konsolosxaneyî uca de yê. Çalakîkerî do xîret bikê ke na reye dekewê herême. 7ê kanûne de çalakîkeran ser o guleyî ameyî varnayene û 25 kesî amebî qetilkerdene û 125 kes zî birîndar bîyî.1ê teşrîna verêne wexto ke çalakîyî ameyî destpêkerdene ra heta ewro tewr tay 450 kesî ameyî kiştene û 20 hezar kesî birîndar bîyî. Serekê Koma Asayîb Ehlul Hakî Kays Hazalî yo ke pabesteyê Haşdî Şabî yo eşkera kerd ke bi nawnayîşanê Bexdadî yeno xîretkerdene ke kaos bibo û beno ke zaf kesî do bêrê kiştene.Goreyê tay sîyasetmedaran beno ke koma Haşdî Şabî ya terefgîra Îranî do hêriş bika.