Janê Ebola yo ke menganê verî de Komara Demokratîke ya Kongoyî de vila bibi, her roje her ke şino beno sebebê merdişê zêdetir kesan.

Goreyê eşkerayîya ke hetê Wezaretê Weşîye ra ameya dayene, 2’ê Gulane ra nata hûmara kesanê ke merdê resta 8 hezar kesan. Wezaretî eşkerayîya xo de da zanayene ke, Janê Ebola yo ke herêmanê Nord Kîvû û Itûrî de vila bîyo se ra 66 bîyo sebebê merdişan.

Eşkerayîya ke hetê Rêxistina Weşîye ya Dinya (WHO) ra Cenevre de ameya dayene, bale ante serê Janê Ebola yo ke ‘bi hawayêkê zêdeyî’ vila bîyo. Da zanayene ke, terpino ke hetê WHO’yî ra welat de ameyo kerdene tesîr bi nêweşîye nêkerd û no zî seba rayberanê cayîyan vera şarê herême bi sebebê propagandayanê zuran.

Vîrûsê Ebola reya verêne serra 1970 de Efrîqa de vejîya werte, janê tewr girdî zî serra 2014-2016 de Efrîqaya Rojawanî de tesîro gird bi şarê herême kerdibi. O wext zî tewr kêmî 11 hezar kesî merdîbî. Ê serebutî ra nata reya verên a ke hende nisbetê girdî de merdimî mirenê.