Janê Ebola seba Kongo xeternak o, seba dinya muhîm nîyo!
Rêxistina Weşîye ya Dinya hîşyarîye daye ke janê ebola seba Komara Demokratîke ya Kongo xeternak o û vat, “Seba dinya rewşêka lezabeze çin a.”
Rêxistina Weşîye ya Dinya (OMS) da zanayene, janê ebola ya Komara Demokratîke ya Kongo seba ey welatî xeternak o, rîskê vilabîyayîşî esto, labelê wareyê mîyanneteweyî de vila nêbeno.
Rêxistina Weşîye ya Dinya, rixmo ke janê ebola Uganda de zî vila bîyo, da zanayene ke no seba weşîya dinya tehdît nîyo. Sekreterê Pêroyî yê Rêxistina Weşîye ya Dinya Tedros Ad Adhanom Ghebreyesusî da zanayene, seba ke vilabîyayîşê janî bêro astengkerdene ganî tedbîrî bêrê girewtene.
