Goreyê doneyê Wezaretê Karanê Zereyî 29 herêma Barselona ra xeylî herêmê Katalonya de çalakîyanê protestoyî de 51 kesî ameyî destbendkerdene. Ame vatene ke wextê pêkewtişan de 72 polîsî û neteweyî birîndar bîyî.

Hûmara çalakgeran ê birîndaran nêameye vatene. Mehkemeya Payeberze ya Îspanya 9 îdarekaranê serbestîwaştoxan rê 9 serran ra heta  13 serran cezaye daye. 12 îdarekarî ameyî hukmkerdene. 3 îdarekaranê bînan rê cezaya 60 hezar euro ameye dayene. Çalakîye dimayê nê qeraran dest pêkerd. Komeleyanê Serbestîwaştoxan veng dabi ke her verê bînaya hukmatî de çalakîyan bikê. Paytextê herêma xosere Barselona de 40 hezar kesî vejîyayî meydanan, barîkatî ameyî dayene, konteynirê çopî ameyî vêşnayene, kuçeyan de pêkewtiş vejîyayo. Goreyê selahîyetdaran xeta trena bileze ya mabênê Barselona û Fransa de zî semedê çalakîyanê sabotajî vindert.