Kerbela de nêzdîyê temsîlkarîya Îranî de 3 nawnayîşkerî ameyî kiştene
Şaristanê Kerbela yê başûrê paytextê Îraqî Bexdad de nêzdîyê konsolosxaneyê Îranî de nawanayîşêkê şermezarkerdişî ame kerdene. Wextê nawnayîşî de 3 çalakîkerî ameyî kiştene.
Hêzanê asayîşî yewşeme de vera nawnayîşkeranê ke bi waştişê 'rijnayîşê rejîmî' newe ra vejîyayî meydanan, fîşekê rastikênî xebitnayî.
Wexto ke nawnayîşkeran xîret kerd ke Konsoloxaneyê Îranî bidê verê adirî, hêzanê asayîşî hêrişê înan kerd. Nawnayîşkeran rejîmê Îranî sey berpirsîyarê sîstemê Iraqî vinenê. Nawnayîşan vera hukmatê Iraqî 1ê teşrîna verêne de dest pêkerd û ê hema zî dewam kenê. Goreyê bîlançoyê fermîyî heta nika tewr tay 260 kesan wefat kerd.
