Nagîhane Akarsela ke 4ê teşrîna verêne ya 2022yî de Silêmanî de amebî qetilkerdene, Heleb de keyeyê wendişî de yena vîrardene. Keyeyê Wendişî yê Şehîde Nagîhane Akarsel 2023 de taxa Şêxmeqsûdî ya Helebî de ame akerdene. 

Endama Merkezê Jineolojî yê Helebî Ferîde Mûsa derheqê Keyeyê Wendişî de agahîyî dayî ANFyî. 

Ferîde da zanayene ke Keyeyê Wendişî her kesî rê akerde yo û vat: ''Tîya de bi her hawayî kitabî est ê. Wendekarî yenê tîya de derse xebitîyenê, şar yeno tîya de kitabî waneno. Ma goreyê îhtîyacan tedeyîya kitaban hîra kenê. Keyeyê Wendişî de komî zî est ê. Nê komî kitabêkê hemparî wanenê û dima ey ser o nîqaşan kenê. Bi rayîrê nê keyeyî paştdayîş û komelbîyayîş xurt benê.''

Ferîde îfade kerd ke Keyeyê Wendişî keno ke ciwanî wendişî ra dûrî nêkewê û vat: ''Ciwanî teyna eşkayêne xo biresnê materyelanê dibistane. Nika ciwan û domanî kitabanê cîya-cîyayan ra fayde kenê. Ma kêfweş ê le ciwanî tîya de pîya bi paştdayîş û ardimî kitaban wanenê.''