Merkezê Îrtîbatî û Çapemenîye yê HPGyî derheqê hêrişê dewleta tirke û çalakîyanê gerîlayan de eşkerayîye daye. HPGyî qoricîyî hîşyar kerdî ke wa tewr hêrişê îşxalî mebê.

Eşkerayîye de derheqê çalakîyanê gerîlayan û hêrişê artêşa tirke de nê ameyî vatene:

“Herêma Şehîd Delîlî yê  Rojawanê Zapî;

19ê gulane de Warê Xoverdayîşî yê Girê Cûdîyî de îşxalkerî hîrê rey bi çekanê giranan û taktîkê suîkastî ameyî pirodayene. Çalakîyan de sîstemêkê kameraya mobese ame derbkerdene. Nê çalakîyan ra di çalakîyî hetê hêzanê ma yê YJA Starî ra ameyî kerdene. Eynî roje Warê Xoverdayîşî yê Girê Amediyê de îşxalkerî hetê hêzanê ma yê YJA Starî ra ameyî pirodayene.

Hêrişê artêşa tirke;

18-19 û 20ê gulane de Warê Xoverdayîşî yê Girê FMyî yê Zap de û 18ê gulane de Warê Xoverdayîşî yê Girê Amediyê de tunelê ma bi desan rey bi gazanê jehrinan û çekanê qedexeyan dîyayî bombayan ver.

18 û 19ê gulane de warê Sinînê, Goşînê, Girê Şehîd Şerîf yê herêma Xakurkê, warê Dergelê, Golka, Şêlazê, Bazê yê herêma Metîna, Girê Cûdî, Girê Bahar yê Zapî pêro pîya 15 rey pê teyarayanê şerî dîyayî bombayan ver. 18ê gulane de Warê Xoverdayîşî yê Golka, Dergelê yê herêma Metîna pê helîkopteranê şerî dîayayî bombayan ver.”

HPGyî veng da qoricîyan û nê vat: “Hêrişê îşxalî yê  artêşa tirke yê ke hîrê serrî yo vera Herêmanê Pawitişî yê Medya yenê kerdene bi têkoşînê tarîxîyî yê Gerîlayanê Azadîye yê Kurdîstnaî ameyî betalkerdene. Bitaybetî payîzî ra nata gerîlayan bi operasyonanê şorişgêran û çalakîyanê bitesîran derbeyê girdî dayî artêşa tirke yo. Îşxalkerî nêeşkenê vera gerîlayan payra bimanî. Artêşa îşxalkera ke wazenê na tengayî ra vejîyo reyna metodê nasî fînayî dewre. Qoricîyî kerdî mîyanê hêrişê îşxalî yê vera Herêmanê Pawitişî yê Medya. Qoricîyan erzenê verê cepheyî û şuxilnenê. 

Artêşa tirke ya îşxalkere wazena ke bi na polîtîka qoricîyan ra artêşa kontrayan virazo. Rojanê peyênan de nameyê tam qoricîyan ê ke ameyî ardene Herêmê Pawitişî yê Medya çapemenîye ra ameyî eşnawitene. Ma nameyê qoricîyan ê bînan zî zanê ke ardîyayî û do bêrê ardene. Ma heme qoricîyan hîşyar kenê. Wa qet qoricîyêk teberê dewa xo mevejîyo û tewrê hêrişê îşxalî mebo. Wa tewrê operasyonê îşxalî yê vera Başûrê Kurdîstanî mebê û merê Herêmanê Pawitişî yê Medya, mewzîyanê arêtşa îşxalkere mekewê ke hedefê gerîlayan de yê.  Tarîx de qet kesêk ey ke vera şarê xo çeke şuxilnayo, îşxalê vera welatê xo de rol girewto û îxanet kerdo, hetê hêzanê şorişî ra bêhesab nêameyo verdayene. Nê qoricîyê ke hêriş de rolê xirabî genê xo ser, rojêke do bêrê muhakemekerdene û tira hesab bêro persayene.”