Festîvala Govendanê Kurdîstanî ya 35ine şaristanê Esslingenî yê Almanya de bi merasîmê xelatdayîşî qedîyaye.

Koma Şîyarî bîye koma yewîne. Kome şaristanê Salzgitterî yê Almanya ra beşdara festîvale bibî û govendê Şeva Zavê, Keşeo, Delîlo, Du Nig, Heranî, Govend û Çepik pêşkêş kerdbî.

Koma Evîna Welat bi Hevra bîye koma diyîne. Koma ke Baselî ra tewra festîvale bîya govendê Yawşîrme, Yarê, Xweş Bazin, Giranî, Çepkî, Sivikî û Zifkiro pêşkêş kerdîbî.

Koma Baranî di xelatî girewtî. Koma ke Kolnî ra beşdara festîvale bîya, govendê Çelê yê Colemêrgî pêşkêş kerdbî.  Kome hem xelata koma hîrêyîne hem zî xelata kincan girewte.

Festîvale de Xelata Cigêrayîşî dîyaye Koma Kulîlkên Welat, Xelata Taybete dîyaye Koma Lalîş û Koma Azadî.

Jûrî peynî de Sertîfîkayê Tewrbîyayîşî dayî 27 komanê beşdaran. Belgeyê Sipasîye zî dîyayî şaranê Esslingen û Stuutgartî, Otêla Leonardo û şexsê Çira TVyî de xebatkaranê çapemenîya azade. Nameyê çapemenîya azade ser o temsîlkarê Yeni Ozgur Politika yê Hamburgî Mehmet Zahît Ekîncîyî belge girewte.