Mehkemaya Taybete ya Haştîye (JEP) hesabê binpaykerdişê heqanê merdiman ê ke wextê şerê mabênê gerîlayanê FARCî û hukmatî de ameyî kerdene bipersa ameye awankerdene. JEPî pare kerd ke cenazeyê 50 kesanê ke hetê leşkeran ra ameyî kiştene gorêkê komî ra ameyî vetene.

Goro kom îfadeyê leşkerêkî ser o rojawanê başurê welatî de ame akerdene. JEPî vat: "Zaf girîng o ke bêro eşkerakerdene ke no serebût qet babeta cigêrayîşî yê hukmkerdişêkî nêbibi."

Leşkerêko ke mehkeme reyde hemkarîye kerde wezîfedarê cigêrayîşî berdî cayê Dabeîba, goristanê bi nameyê Las Mercedesî. Cenazeyî hetê qanûnan ra sey 'qurbananê şerî' ameybî namekerdene. Mehkeme vat nê kesî dima ke bi zordarî amebî vînîkerdene ameybî kiştene. yeno texmînkerdene ke hetê hukmatê Kolombîya ra şerê vera FARCî de tewr tay 2 hezar û 248 kesî bêhukmkerdişan ameyî kiştene. 100 înfazan ra 50ê ci dewirê Serekomar Alvaro Urîbe de mabênê 2006-2008î de ameyî kerdene.