Wezîrê Karanê Teberî yê Fransa Jean-Yves Le Drianî kombîyayîşêkê çapemenîye de cewab da persê serê teyarayanê bêmerdiman ê 'Bayraktar TB2' yê ke herêma Donbassî de hetê artêşa Ukrayna ra şuxilîyayî.

Le Drianî vat: ''Çekê giranê ke peymananê Minskî de ameybî qedexekerdene zêde şuxilîyenê. Teyarayanê Bayraktarî ma qerqilnayî ke dişmenîya Ukrayna zêdînenê. No zî vera tedbîranê xurtkerdişê adirbirnayîşî yo ke 27ê temmuza 2020î de kewto dewre.''

Wezîrê Karanê Teberî yê Rûsya Sergey Lavrovî 27ê teşrîna verêne de Moskova de kombîyayîşêkê çapemenîye de cewab dabi persan û vatbi: ''Nika ma nê agahîyan cigêrenê.''

Serra 2014î ra nata artêşa Ukrayna û herêma Donbassî ya terefgîra Rûsya mîyanê şerî de yê. Nê şerî de 13 hezar kesan dinyaya xo bedilnaye.