Wezîfeyê serekwezîrîye serra 1976î de amebi wedaritene. Meclîso Neteweyî yê Kuba 21ê kanûne de kom bi û Manuel Marrero seba nê wezîfeyî tayîn kerd.

Serekkomar Miguel Diaz-Canelî vat: "Pêşnîyazê serekwezîrî hetê buroyê sîyasî yê Partîya Komunuste ra ame tesdîqkerdene."

Parlamentoyo ke serrêke de di rey roniştişan keno, raydayîşê nîsane de seba caardişê tay vurnayîşanê revîzyonê Qanûnê Bingeyî roja îneyî û şemeyî kom bi. Nê vurnayîşan ra yew zî wezîfeyê serekwezîrîye bi.

Goreyê revîzyonê Qanûnê Bingeyî Serekkomar do îdarekaranê îdareyanê merkezîyan û karmendan biweçîno yan zî bivurno. Serek do bieşko karanê walîyan zî kontrol biko.

Marreroyî her çiqas endamê Partîya Komunuste yo zî sey îdarekaranê Kuba endamê komîteya merkezîye yan zî endamê buroyê sîyasîyî nîyo.