Le Tempsî rojnamegerêkê xo erşawit Vakur û Rojhelatê Sûrîye û rewşa herême bi sernameyê "Kişika Sûrîye de pokero zureker" weşanaye.

Rojnamegero ke şîyo Til Temirî seba herêma biasayîşe qesawetê roniştoxanê herême pare kerd. Rojname de ame vatene ke: "Adirbirnayîş hetê terefgîran ra amebi qebul kerdene la şer hema zî bi hawayêkê giranî dewam keno."

Xebere de hêrişê vera konvoyanê rêxistina merdimîye Fee Burma Rangerî ame vîrvistene ke Sau Sengo Myanmerij tede wefat kerd. Endamanê kome ra David Eubankî vat: "Adirbirnayîş çin o. Tirkîya hêrişê sivîlan kena, hêrişê wezîfedaranê merdimîye kena.

Rojname pare kerd ke Îdarekaranê Kurdan ra Salîh Muslîmî vat: "Tirkîya cîhadîstan û endamanê DAÎŞî ra paşt gêna. Vera ma pakîya etnîke esta ke hetê hukmatê Tirkîya ra yena caardene. Leşkerê ke Tirkîya seba îşxalê Rojawanî xebitnena cîhadîst ê, endamê DAÎŞî yê."

Berpirsîyaranê Îdareyê Xoserî ra Abdulkerîm Omerî zî îfade kerd ke Serekkomarê Tirkan Recep Tayyîp Erdogan wazeno Kurdan herême ra vejo  û herême de ca bido multecîyanê ereban.  Omerî nêrazîbîyayîşê xo mojna ke no tevgêrayîşê Erdoganî demografîyê herême do bivurno.