Vervatoxê Yewînanê Amerîka yê Afganîstanî Sonny Leggettî eşkerayîyêka nuştekîye weşanaye û vat: ''Goreyê xeberanê destpêkan kesêkê bi unîformeyê afganî bi tifingê şenikî hêrişê hêzê leşkerî yê hemparî yê Amerîka-Afganîstan kerd.'' Vervatoxî pare kerd ke 2ê înan amerîkayîjî 5 leşkerî merdî û 6 leşkerî zî birîndar bîyî.

Ame parekerdene ke serebût wîlayetê Nangarharî de qewimîya. Walîyê wîlayetê Şah Mahmud Meyakîlî çapemenîye rê mesajêk erşawit û ard ziwan ke 3 leşkerê afganî ameyî kiştene. Meyakîlî îfade kerd ke hema zelal nêbîyo ke serebût hêriş o yan zî qeza yo. Meyakîlî vat: ''Mabênê hêzan de şer qewimîya. Ma cigêrayîş kenê.''

Vervatoxê hêzanê Amerîka da zanayene ke ê niha semedê hêrişî nêzanenê. Heta nika kesêkî mesuldarîya hêrişî nêgirewte xo ser.