Lîbya de serra 2011î ra nata şerê zereyî qewimîyeno hêzanê Mareşal Halîfe Haftarî yê ke beşêka girînge ya erdê Lîbya kontrol kenê pare kerd ke înan droneyêkê Îtalya vist erdî ro.

Vervatoxê Hêzanê Haftarî Ahmed El-Mesmarî pare kerd ke drone Tarhunî de erdî ro ame vistene ke rojawanê Lîbya yo.

Îtalya zî vizêr serê sibayî beyanatêk weşana û îdîa kerd ke drone seba paştdayîşê operasyonê Mare Sîcuro ame pernayene û droneyê înan herême de kewt warî.

Vervatox Ahmed El-Mesmarîyî ard ziwan ke Lîbya ra beyanatêk hêvî kenê ke çira drone erdê Lîbya ser o perayêne.

Hêzanê Halîde Haftarî verê cû zî droneyêkê Tirkîya erdî ro vistibi.