Derheqê bîlançoya şerî de Wezaretîya Weşîye ya Hukmatê Yewîya Mîyanneteweyî yaTrablusî eşkerayîye daye.

Wezîrê Weşîye Amîd Omarî televîzyonê El Ahrar ê Lîbya rê qisey kerd û  ard ziwan ke, mabênê kesanê ke cuya xo vîndî kerda de xeylî kesê sîvîlî zî estê, la hûmara pêroyî ya sîvîlan eşkera nêkerde.

Artêşa Neteweyî ya Lîbya ya general Halîfa Haftarî, şanê Şeme de eşkerayîye daye ke cepheyanê înan de 14 şerwanê înan ameyê kiştene.

General Haftarî ard ziwan, ê wazenê paytextê Trablusî bigîrê xo dest. Roja Yewşeme de nêzdîyê Trablusî de mabênê di hetan de şer qewemîya. Ame zanayene, şer bi giranî Wadî Rabî de û der û dorê rasteyê teyaregehê yê mîyanneteweyî yê başûrê paytextê Trablusî de qewemîyayo.

Yewîyan ê Haftarî da zanayene, banlîyoyê başûrî yê Trablusî de roja Yewşeme hêrişê hewayî ameyo kerdene. Hêzê ke girêdayîyê Serekwezîrê hukmetê Trablusî yê û Neteweyê Yewbîyayeyî paştdayîş danê ci çend rojî raver hêrişê hewayî viraştibi.

Operasyonê Haftarî  4'ê Nîsane Panşeme de dest pêkerd. Haftaro ke rojakewtene de serdest o, bi kontrolkerdişê Trablusî wazeno ke serdestîya xo hetê rojawanî ser hîra bikero.