Wezîrîya Weşîye ya Lubnanî bîlançoya hêrişanê roja dişemeyî eşkera kerde. Wezîrîye dîyar kerd ke herêmanê cîyayan ê Lubnanî de hêrişan de tewr tay 95 kesî merdê, 172 kesî zî birîndar bîyê.

Ame parekerdene ke hêrişê vera Başûrê Lubnanî û Bekaa bê mabên dewam kenê.

Goreyê detayanê bîlanço Beyrûd de çar kesî merdî, çar kesî birîndar bîyî. Hêrişan de lîderêkê Hamasî zî kişîyayî.

Wezîrîya derheqê hûmara jinî û domananê kişteyan de agahîyî nêdayî.

Artêşa Îsraîlî roja sêşemeyî dîyar kerd ke operasyonê erdî yê vera Hîzbullahî ra dima başûrê Lubnanî de şerêko giran qewimîyeno.

Vervatoxê artêşa Îsraîlî Avichai Adraee Telegram de bi erebkî no mesaj da: ''Başûrê Lubnanî de şerêko giran qewimîyeno. Seba asayîşê xo yê şexsîyî ma rîca kenê ke vakurê çemê Lîtanî ra heta Başûrî bi wesayîtan nêgêrê.''