Macron, Merkele û Johnsonî seba kêmkerdişê alozîye veng da
Serekkomarê Fransa Emmanuel Macron, Serekwezîra Almanya Angela Merkel û Serekwezîrê Îngilîstanî Borîs Johnsonî veng da ke wa alozîya mabênê DYA û Îranî de bêra kêmkerdene.
Îdarekaranê hîrê welatan eşkerayîyêka hempare daye û venga terefan da ke wa alozîya mabênê xo kêm bikê û berpirsîyarîya xo bîyarê ca.
Macronî, Merkele û Johnsonî vera bira Îranî ya ke sînorê zengînkerdişê uranyumî wedarit nêrazîbîyayîşê xo mojna. Îdarekaranê her hîrê welatan vat: "Ma venga Îranî danê ke wa şîdetî ra û zêdekerdişê uranyumî ra dûrî vindero.'' Îdarekaran pare kerd ke ganî têkoşînê vera DAÎŞî bêro dewamkerdene, koalîsyon bêro pawitene û na alozîye tesîrê têkoşînê vera DAÎŞî nêkero.
